í skólanum, í skólanum

já núna er liðin heil vika frá því að ég skrifaði síðast, ástæðan er nú kannski bara sú að ég hef ekki haft mikið að skrifa um. Nú fyrst skóladagurinn byrjaði ekki með góðum fréttum, því að þegar við komum í tíma þá fengum við þær fréttir að Villi bekkjarbróðir okkar væri dáinn , blessuð sé minning hans. Þannig að síðasta vika hefur verið mjög einkennileg í skólanum. En maður verður að halda áfram að lifa lífinu og skólinn er búinn að vera mjög skemmtilegur þrátt fyrir þessar leiðinlegu fréttir.

Ég er að fara í endajaxlatöku á föstudaginn og ég kvíði ekkert smá mikið fyrir þessu, maður hefur heyrt svo margar ömurlegar sögur um þetta. Fólk er að segja manni frá krókum á rótinni og að tannlæknirinn standi nánast ofan á hausnum á manni því að jaxlinn er svo fastur, úff get ekki hugsað um þetta, helst vildi ég bara vera svæfð, þá vakna ég bara og þetta er búið. En það er víst ekki í boði, þetta er í fyrsta skipti sem ég fer til tannlæknis og ég er stressuð fyrir það.

Jæja nenni ekki að bulla meira ætla að fara að horfa á C.S.I.