Menningarferð og fleira

Ég fór í menningarferð í gær með leikskólakennurum í Hafnarfirði, Garðabæ, Kópavogi, Mosfellsbæ og Seltjarnarnesi. Það var mikil stemming og fórum við 5 af Bæjarbóli allar með grænan blett á enninu en þemað var allt er vænt sem vel er grænt. Það var ákveðið í gær að leggja aðeins meiri metnaði í þemað á næsta ári, ekki bara einhvern grænan blett sem eyddist út og þegar leið á kvöldið var eins við hefðum allar rekið okkur í og værum með marblett á enninu. Þessi hópur hélt af stað í þremur rútum frá Perlunni og ekið var á Bændaskólann á Hvanneyri. Þar fengum við að sjá Ullarsetrið sem var mjög gaman að sjá en hefði ekki keypt neitt þarna því að þetta voru frekar dýrar vörur eða það fannst mér barnavettlingar á 2þús og eitthvað. síðan gengum við í gegnum eina hurð og vorum þá komnar á búvélasafnið sem var eins og nafnið gefur til kynna fullt af traktorum og búvélum (er traktor kannski búvél??? Hvað segir þú pabbi um það???? spyr fávís dóttir hehehe eftir það var gengið smáspöl og okkur skellt upp í kirkju og við eitthvað frædd um hana það rann nú eiginlega af manni þegar Krissa fór að tala um óvissuferð sem hún hafði einu sinni farið í og að henni hefði hreinlega verið skellt í messu hehee þar hefur átt að frelsa allt liðið á einu bretti gekk ekki nógu vel að sögn Krissu því að það sátu bara eitthvað einn bekkur eftir þegar messunni lauk. En það reyndist ekki vera svo slæmt heldur var bara talað eitthvað um kirkjuna og síðan haldið í Fjósið þar sem litlu sætu kálfarnir voru og auðvitað líka stóru beljurnar. Eftir það var haldið í sveitafitness sem felst í því að gera eitthvað af verkum bóndans eins og að hlaupa yfir rúllubagga, setja niður kartöflur, negla í staura, klifra upp í kaðal, snúa ró á bolta og blása upp blöðru sem þeir gera mikið af bændur nú til dags. Eftir það var haldið að Skessubrunni þar sem við fengum einhvern mat verð nú að segja að ég hef alveg fengið betri mat áður og ég verð bara að segja það voru einhverar fiskibollur þarna og þær voru hreinn og klár vibbi og ég er ekki að ýkja neitt langaði til að æla þegar 1/2 bolla fór upp í mig óvart úff (hrollur fer um mig).

Í dag fór ég í húðhreinsun, það var algjört æði þrátt fyrir smá sársauka á meðan verið var að kreist helstu bólur á andlitinu á mér en ég segi bara beauty is pain og var bara mjög sátt við þetta og beauty er líka dýr ;)keypti nefnilega fullt af einhverju svona andlitsvatni, andlitssápu og krem þannig að þetta var svolítið mikið dýr en þannig er það bara.

Eftir hreinsunina fór ég að hitta Rósu bestu vinkonu mína og kærasta hennar hann Nic en hann er að vinna í Þýskalandi þannig að hann var að heimsækja hana og við skelltum okkur á Café Paris og síðan fórum við í Kolaportið þvílík fýla þarna inni og það er alveg merkilegt hvað sumu fólki dettur í hug að selja og halda þeir virkilega að fólk kaupi ógeðslega pelsa eða kjóla sem langalangalanga amma þeirra átti úff fékk bara hroll og skemmti mér konunglega yfir því hvað fólk er vitlaust hehehe nei bara grín en mér finnst samt alveg ótrúlegt hvað fólk heldur að það geti prangað inn á fólk en svo er líka margt þarna inni á milli sem er örugglega bara mjög fínt.

Jæja farin að gera eitthvað