jæja....

jamm og jæja, ef ég hefði ekki útskrifast í vor þá væri skólinn að byrja í næstu viku. Það er mjög undarlegt að þurfa ekki að fara í skóla þ.e.a.s. háskólann því að maður mætir nú á hverjum degi í leikskólann til að vinna með þessum litlu krílum. Ég var í vikunni í kringlunni og ég byrjaði strax að litast um eftir flottum stílabókum og pennum en þá rann upp fyrir mér að það er enginn skóli í haust hehehe, mjög undarlegt að alvara lífsins sé loksins tekin við og manni finnst skólinn hafa bara rétt byrjaði, tíminn líður ekkert smá hratt. Ég meina ég verð komin inn á Hrafnistu eða einhverja aðra stofnun áður en ég veit af, en ég ætla þá að vona að ég verði skemmtileg gömul kona sem lætur fólkinu sem mun annast mig ekki leiðast hehehe.

Fór í smáralindina í dag og keypti mér buxur og peysu, var farið að vanta buxur allhrikalega átti bara einar gallabuxur algjör skömm að þessu.

Ég er byrjuð á lopapeysu nr. 2 getur vel verið að ég verði látin prjóna þá þriðju það kemur í ljós. En það er bara gaman. Ég ætla ekki að blogga meira í kvöld hef s.s. ekkert mikið að segja þannig en allavega ég er farin í bili mun skrifa síðar bæbæ og skólakveðja
Laufey ;)