34 vikur

Á mánudaginn var hringt í mig og ég spurð hvort ég væri til í að færa aðgerðardaginn. Ég sagði að það væri hið minnsta mál þannig að Pólfarinn fær að vera einn dag í viðbót í bumbunni og kemur víst ekki fyrr en 20. nóvember nema að hann ákveði að koma eitthvað fyrr sjálfur. En núna eru bara 4 vikur í herlegheitin ég er búin að þvo allt sem komið er fyrir guttan á eftir að sækja rúmið og vagninn annars er bara allt tilbúið. Ég finn alveg að það var nauðsynlegt fyrir mig að koma mér í frí núna því að ég er alltaf þreytt. Ég er að sofa til 11 og ég er að sofna kl. 11 á kvöldin alveg eins og steinn drulluþreytt. Enda er guttinn soldið mikið á hreyfingu núna þessa dagana. Ég sit núna við tölvuna og bumban er á fleygiferð á meðan ég skrifa þessi orð hérna. En jæja nenni ekki að skrifa meira nún vildi bara láta fólk vita af breyttum degi

kv.
Laufey og Pólfarinn

33 vikur

Já það eru komnar 33 vikur og mikið í fréttum skal ég segja ykkur. Ég ætla ekki að fara út í krepputal hérna er alveg búin að fá nóg af því. Síðast þegar ég skrifaði vissi ég ekki hvort ég færi í keisara eða ekki en nú er það komið í ljós og það er líka komin dagur. Ég fer í keisara á 38. viku þannig að það eru ekki lengur 7 vikur í fæðingu drengsins heldur 5.... og Pólfarinn kemst á pólinn 19. nóvember. Fór í vaxtarsónar og mæðraskoðun í gær. Pólfarinn er svona í yfir sinni kúrfu í stærð þannig að það er ekkert skrítið að maður sé þreyttur. Ég hætti að vinna í gær fannst ekki gott að vera í vinnunni og geta ekki gert neitt. Gat ekki klætt börnin í skó eða teigt mig eftir einhverjum hlut sem er á gólfinu þannig að núna verð ég bara að stilla mig á ekki vinna gírinn hehehe sem er nú svolítið erfitt fyrir Lubbuna sem alltaf hefur unnið 100% vinnu. Þannig að ég er laus alla daga og næstum öll kvöld ef fólk vill líta við í kaffi. Toffy er hjá mér núna í staðlotu í skólanum og hún ætlar að taka bumbumyndir af okkur pólfaranum á fimmtudaginn ég er orðin mjög spennt..

Jæja nenni ekki að kvabba meira

kveðja
Laufey og Pófarinn

31 vika

Já þá eru ca. 9 vikur eftir hjá pólfaranum. Fór í mæðraskoðun á mánudaginn og allt leit vel út. Veit reyndar ekki ennþá hvort ég fer í keisaraskurð. Hef alltaf haldið að ég ætti að fara þar til þarsíðast þegar ég fór og hitti læknirinn en hún ætlaði að tala við læknirinn sem gerði aðgerðina á mér. Hún var ekki búin að því á mánudaginn gleymdi að skrifa þetta hjá sér og gleymdi því þar af leiðandi. En það fer nú vonandi að koma í ljós hvernig pólfarinn kemur í heiminn ;) bara svolítið óþægilegt að vita það ekki og svona stutt eftir.



Ég er búin að minnka við mig vinnuna í 50% ég var hreinlega farin að kvíða því að mæta síðustu dagana. Ég er reyndar ennþá að læra að vera í 50% starfi hef aldrei unnið þannig áður á ævinni en þetta virðist bara vera nokkuð gott ;) ég var reyndar komin í skápana í svefnherberginu í morgun komin upp á stól áður en ég vissi af (veit að ég má það ekki) en fór mjög varlega hehe. Hvað á maður annað að gera þegar maður er ekki stærri en maður er og þarf að ná í eitthvað sem ekki næst í nema standa uppi á stól. Fólk verður bara að setja sig í mín spor. En ég lofa því að ég fer mjög varlega og er fljót niður aftur ;).



Jæja ætla að fara að gera eitthvað núna ætla að setja eina mynd af pólfaranum hingað inn njótið vel

kveðjum að sinni

Laufey og Pólfarinn ;)