Litið yfir árið 2008

Ég ætla að fara létt yfir árið 2008 sem verður hugsanlega eitt af minnisstæðustu árum mínum :)

Janúar

Man ekki eftir neinu rosalega minnisstæðu en uppáhaldsleikarinn minn lést í janúar í fyrra en það var hann Heath Ledger. Var einmitt að horfa á síðustu myndina sem hann lék í Dark Knights og hún var algjör snilld mæli eindregið með henni

Febrúar

Það voru páskar í þessum mánuði.

Mars

Það voru páskar í þessum mánuði. Við keyrðum austur og tókum Dóra með okkur á skíði. Á leiðinni austur vorum við orðin mjög svöng og ætluðum að kaupa okkur eitthvað á Hornafirði að borða en nei nei ekkert opið. Þannig að við héldum áfram og vorum komin rétt fyrir utan Hornafjörð þá stoppaði löggan okkur fyrir að vera á 108 km/klst. Við höfðum það gott fyrir austan yfir páskana og Dóri tók þátt í sinni fyrstu skíðakeppni. Síðan keyrðum við aftur heim og þá stöðvaði löggan í Berufirði okkur fyrir að vera á 109. Þannig að við vorum einstaklega heppin í þessari ferð. Þegar við komum til baka þá ákvað ég að prufa svona óléttupróf og það reynist jákvætt og var ég þá bara komin 6 vikur á leið en þetta varð skemmtilegasta ferðalega sem ég hef gengið í gegnum :)

Apríl

Í apríl skelltum við okkur norður á Akureyri á Þrekmeistarann. Gunni, Jónína og fleiri bootcamparar voru að taka þátt. Ég ætlaði líka að taka þátt en hætti við því að ég var orðin ólétt og þorði ekki að taka neina sénsa. Bootcampararnir stóðu sig með stakri prýði og voru í flestum verðlaunasætum. Gunni og Jónína stóðu sig mjög vel og var ég mjög ánægð með þeirra frammistöðu. Nokkrum dögum seinna skellti ég mér með vinnunni til New York það var æðislegt að koma þangað. Við skoðuðum 3 leikskóla og það var mjög gaman að sjá hvernig skólarnir vinna miðað við íslenska skóla. Það var náttúrulega bara snilld að vera í föruneyti með Krissu, Rósu, Elísabet og Villu skemmtilegustu píurnar á svæðinu hehe.

Maí

Í maí eigum við skötuhjúin bæði afmæli. Ég varð 29 ára og Gunni komst á fertugsaldurinn hann hélt svaka partý. Ég fór í 12 vikna sónarinn í maí skemmtilegt að sjá hreyfingarnar og að litla baunin sé orðin að barni í bumbunni á manni :)

Júní

Man ekki eftir neinu sérstöku í þessum mánuði.

Júlí

Í Júlí komst ég í sumarfrí og byrjaði fríið á að fara austur á aldarafmæli Guðríðar ömmu. Þannig að öll fjölskyldan sem er útaf henni hittist í Viðfirði og skemmtu sér saman. Gaman að sjá hvað þessi fjölskylda er orðin stór. Þarna voru 3 bumbur allar komnar svipað langt. Síðan var haldið aftur suður. Við fórum í 20 vikna sónarinn og komumst að því að gekk með strák. Ég og Gunni keyrðum síðan yfir sprengisand sem var rosalega gaman að keyra og sjá allt fjallalandslagið á hálendinu það er alveg magnað. Á þessari leið sáum við 3 fossa, Aldeyjarfoss sem er með flottustu fossum sem ég hef séð hingað til hann er með stuðlaberg allstaðar í kringum sig þannig að það er eins og það séu fullt af andlitum í berginu alveg magnað að sjá það, Hrafnagilsfoss (minnir mig) og Goðafoss. Foreldrar Gunna voru svo með sumarbústað rétt hjá Húsavík og við gistum hjá þeim í 2 nætur og keyrðum yfir á Mývatn og skoðuðum Víti sem er þar. Við keyrðum síðan á Borgarfjörð Eystri og skelltum okkur á Bræðslutónleika það var ótrúlega gaman og skemmtileg upplifun. Við keyrðum líka yfir í Loðmundafjörð sem er mjög fallegur eyðifjörður þar eru bara núna sumarhús. Síðan fórum við á Nobban ég fór um nóttina eftir tónleikana því að Gunni ætlaði að labba á Dyrfjöll sem hann gerði svo ekki (sem betur fer) þannig að ég ákvað að fara með Þórdísi og Toffy á Nobban.

Ágúst

Við vorum á Neistaflugi þessa verslunarmannahelgina það var bara mjög fínt skelltum okkur á ball með Buff sem var rosalega gaman. Ætluðum líka að fara á NýDönsk en hættum við og sáum sko ekki eftir því þegar við spjöllum við fólk eftir það þetta voru víst bara róleg lög og ekkert fútt í þeim. Þannig að það má segja að við höfum grætt 5000 kall. Við skelltum okkur svo í Viðfjörð í viku en það er besti staður í heimi að mínu mati. Gunni málaði heilt hús og ég prjónaði eins og ég veit ekki hvað. Veðrið var ekkert spennandi til útiveru þannig að maður sat bara og prjónaði og prjónaði :)

September

Í september skelltum við okkur til Þórsmerkur með vinnunni hans Gunna og gerðum eitt sem við eigum örugglega aldrei eftir að geta gert aftur á Ford Escape en við keyrðum yfir Krossá. Verð að viðurkenna að mér stóð ekkert á sama en við komumst samt yfir ána.

Október

Kreppan skellur á :). Ég fer niður í 50% í vinnunni og hætti svo alveg. Var hreinlega orðið mjög erfitt að vera í vinnunni.

Nóvember

19. nóvember verður væntanlega eftirminnilegasti dagur í nóvember sem ég hef upplifað en þá fæddist Þórarinn okkar. Degi fyrir settan dag í keisara virtist eitthvað ekki líka við 20. nóvember. Við ákváðum að skíra líka í nóvember því að mamma og pabbi komu suður og okkur fannst skemmtilegra að hafa þau með í skírninni. Drengurinn var s.s. skírður Þórarinn enda var hann mjög líkur afa sínum þegar hann fæddist.

Desember

Desember hefur bara verið eins og venjulegur desember nema að ég er bara búin að vera að læra að vera mamma. Það er mjög skemmtilegt hlutverk og stefni ég að því að halda því áfram endalaust.

Þetta var pistillinn minn fyrir 2008. Gleðilegt nýtt ár og hafið það sem allra best árið 2009 :)

Orðin mamma...

Já nú er maður bara orðin mamma og það er skemmtilegasta og besta tilfinning sem til er í heiminum. Við erum núna búin að vera heima síðan á föstudaginn og allir hafa það alveg rosalega gott. Litli fallegi sonur okkar sefur bara og sefur og virðist hafa það bara mjög gott miðað við hvað hann sefur mikið hehe. Þeir sem vilja kíkja á heimasíðuna hans geta kíkt hérna.

37 vikur...

Jabbidíjabb það eru einungis 11 dagar í að pólfarinn mæti á svæðið. Við erum held ég komin með allt sem þarf að eiga þegar hann kemur heim nú ef ekki þá verður Gunni bara í því að skottast út í búð og kaupa hluti fyrir hann ;) Við erum allavega komin með alla þessa stóru hluti eins og rúm, skiptiborð, bala til að baða í , vagn og bílstól. Hitt hlítur að koma að sjálfu sér held ég eða er það ekki? Þannig að það er eiginlega bara vika og 5 dagar eftir í dag ohhhh ég hlakka svo til. Jæja hef svosem ekkert að segja kveð að sinni.

Laufey og Pólfarinn

36 vikur..

jamm það eru komnar núna 36 vikur og 2 dagar nákvæmlega. Fór áðan vaxtarsónar þar leit alltsaman mjög vel út. Pilturinn orðin c.a. 12 merkur sem ég kalla nú bara ágætt. En það eru rúmar 2 vikur í sjálfan keisarann. Ekki laust við að maður hlakki svolítið til að fá guttan í hendurnar er orðin svolítið þreytt á að geta ekki skellt þessu aftur á bak þegar maður þarf á því að halda ;) hehe. En svona er þetta bara og maður getur víst ekkert kvartað hélt reyndar í gær að ég væri að breytast í bjúga var með svo mikinn bjúg en ég virðist hafa pissað svona mestu af því í nótt ef ég miða við hvað ég fór oft á lettuna, fer venjulega bara einu sinni yfir nóttina en fór aðeins oftar í nótt. Já guttinn er kominn með heimsíðu en ég ætla samt ekkert að fara að skrifa neinar færslur fyrr en hann er fæddur. En hún er allvega tilbúin og ef einhverjir vilja skoða þá er hún hérna það þarf lykilorð til að komast inn á síðuna og það er vísbending en þeir sem ekki vita svarið þeir senda mér bara meil og spyrja.

34 vikur

Á mánudaginn var hringt í mig og ég spurð hvort ég væri til í að færa aðgerðardaginn. Ég sagði að það væri hið minnsta mál þannig að Pólfarinn fær að vera einn dag í viðbót í bumbunni og kemur víst ekki fyrr en 20. nóvember nema að hann ákveði að koma eitthvað fyrr sjálfur. En núna eru bara 4 vikur í herlegheitin ég er búin að þvo allt sem komið er fyrir guttan á eftir að sækja rúmið og vagninn annars er bara allt tilbúið. Ég finn alveg að það var nauðsynlegt fyrir mig að koma mér í frí núna því að ég er alltaf þreytt. Ég er að sofa til 11 og ég er að sofna kl. 11 á kvöldin alveg eins og steinn drulluþreytt. Enda er guttinn soldið mikið á hreyfingu núna þessa dagana. Ég sit núna við tölvuna og bumban er á fleygiferð á meðan ég skrifa þessi orð hérna. En jæja nenni ekki að skrifa meira nún vildi bara láta fólk vita af breyttum degi

kv.
Laufey og Pólfarinn

33 vikur

Já það eru komnar 33 vikur og mikið í fréttum skal ég segja ykkur. Ég ætla ekki að fara út í krepputal hérna er alveg búin að fá nóg af því. Síðast þegar ég skrifaði vissi ég ekki hvort ég færi í keisara eða ekki en nú er það komið í ljós og það er líka komin dagur. Ég fer í keisara á 38. viku þannig að það eru ekki lengur 7 vikur í fæðingu drengsins heldur 5.... og Pólfarinn kemst á pólinn 19. nóvember. Fór í vaxtarsónar og mæðraskoðun í gær. Pólfarinn er svona í yfir sinni kúrfu í stærð þannig að það er ekkert skrítið að maður sé þreyttur. Ég hætti að vinna í gær fannst ekki gott að vera í vinnunni og geta ekki gert neitt. Gat ekki klætt börnin í skó eða teigt mig eftir einhverjum hlut sem er á gólfinu þannig að núna verð ég bara að stilla mig á ekki vinna gírinn hehehe sem er nú svolítið erfitt fyrir Lubbuna sem alltaf hefur unnið 100% vinnu. Þannig að ég er laus alla daga og næstum öll kvöld ef fólk vill líta við í kaffi. Toffy er hjá mér núna í staðlotu í skólanum og hún ætlar að taka bumbumyndir af okkur pólfaranum á fimmtudaginn ég er orðin mjög spennt..

Jæja nenni ekki að kvabba meira

kveðja
Laufey og Pófarinn